مصنوعی ذہانت
میرا نونہال اور سسرال چھوٹے سے شہرمیں ہے شہر کا پرانا قبرستان جس کے ایک گوشے میں ہمارے خاندانی بزرگ آرام فرما رہے ہیں قبرستان کیا ہے چھوٹا موٹا سا نخلستان ہے قبرستان کے داخلی گیٹ کے داہنی جانب چھوٹا سا مزار ہے اور اس کے ارد گرد گلاب ،موگرا ،رات رانی کی کیاریاں لگی ہیں ،جس سے قبرستان مہکتا رہتا ہے بایں جانب وضو کےلئے نل لگے ہیں اور ایک احاطہ بنا ہے جہاں جنازے کی نماز ادا کی جاتی ہے -تمام قبرستان شریفے ،امرود ،آم کے درختوں سے اٹا پڑا ہے سورج کی کرنیں مشکل سے پہنچ پاتی ہےچڑیا ،مینا -کویل ،پپھا ،کبتروں کے شور سے قبرستان کی خاموشی میں عجب سماں پیدا ہوجاتا ہے -جنازے کے ساتھ ہجوم قبرستان میں داخل ہوتا ہے سوکھے پتوں کی آواز سے قبرستان گونج اٹھتا ہے -پرندے اچانک خاموش ہوجاتے لگتا جنازے کی نماز میں شاید وہ بھی شریک ہونا چاہتے ہو، جنازے کی حرمت کا انہں بھی احساس ہو -قبرستان کے جس حصّے میں ہمارے نونہال کے مرحوموں کی قبریں ہیں -میری اماں ،ماموں میاں ،ممانی اماں کی قبریں قریب ہیں -میرا معمول تھا جب بھی وطن جانا ہوتا قبرستان میں بیٹھ کر مزار پر لگی اگربتیوں کے چکراتے دھویں کو دیکھتا رہتا ،لوبان اور پھولوں کی خوشبواپنے اندر اتارتا ،پرندوں کے شور کو محسوس کرتا ،درختوں سے گرتے پتوں کو دیکھا رہتا ،سنا کرتا -اور فاتحہ پڑھتا
عجیب درد کا رشتہ تھا سب کے سب رویے
شجر گرا تو پرندے تمام شب رویے
اتفاق سے لاک ڈاون کے بعد وطن جانا ہوا دل قبرستان جانے کے لئےدل بیقرار ہوا ،ا قبرستان پہچنے پر لگا، کہیں غلط جگہ پر تو نہیں آگیا ہوں ؟ تمام قبریں زمین دوز تھیں پھلوں ، پھولوں کے تمام درخت کاٹ دے گئے تھے چھوٹے سے مزار کے داخلے پر ایٹن چن دی گی تھی نہ پرندوں کا شور نہ پھولوں کی خوشبوں کی مہک،ایک ہوں کا عالم تھا
٢٦ مئی ٢٠٢٥ ہندوستان ٹائمز میں ایک خبر نظروں سے گزری تھی روبوٹ نے انسانی حکم ماننے سے انکار کر دیا ، مجھے لگا اجا ڈ قبرستان اسی روبوٹ کی مصنوعی ذہانت کی کارستانی نہ ہو ؟
कोई टिप्पणी नहीं:
एक टिप्पणी भेजें